Most Favourite .lk Website Award ද නැත්නම් Most Favourite Sri Lankan Website Award ද ?

2010-08-23 02:22:30 By Ganidu

.LK වසම් ලේඛකාධිකාරිය (LK Domain Registry) විසින් පවත්වනු ලබන ශ්‍රී ලංකාවේ ජනප්‍රියතම වෙබ් අඩවිය තේරීමේ තරගාවලිය දෙවන වරටත් ආරම්භ කර තිබෙනවා. තරගයේ නම අනුව මෙමගින් තෝරන්නේ ශ්‍රී ලංකාවේ ජනප්‍රියතම වෙබ් අඩවියයි. නමුත් මෙම තරගයට සහභාගී විය හැක්කේ .lk ඩොමේනයක් සහිත වෙබ් අඩවි වලට පමණකි. නමුත් ලංකාවේ වෙබ් අඩවි බිහිවෙන්නේ .lk ඩොමේනයක්  පමණක් යොදාගෙන නොවන අතර .com  , .net , .org , .info ආදී ඩොමේන් නාමද යොදා ගනී.  .lk ඩොමේන් නාම යොදා නිර්මාණය කරන ලද ලංකාවේ වෙබ් අඩවි වලට වඩා වෙනත් ඩොමේන් නාම යොදා නිර්මාණය කරන ලද ලංකාවේ වෙබ් අඩවි වැඩිය. ශ්‍රී ලංකාවේ ජනප්‍රියතම වෙබ් අඩවිය තෝරනවා කියා .lk ඩොමේනයක් සහිත වෙබ් අඩවි වලට පමණක් මෙම තරගයට සහභාගි වීමට අවස්ථාව ලබා දීම අනෙකුත් වෙබ් අඩවි වලට කරන අසාධාරණයකි. එලෙස .lk ඩොමේනයක් සහිත වෙබ් අඩවි වලට පමණක් මෙම තරගයට සහභාගි වීමට පුළුවන්නම් මෙම තරගයට Most Favourite Sri Lankan Website Award වෙනුවට  Most Favourite  .lk Website  Award ලෙස විය යුතුය.

ඒ වගේම පසුගිය අවුරුද්දේ පැවති තරගාවලියේ ජයග්‍රහනය ලැබූ වෙබ් අඩවි වල හිම්කරුවන්ට ත්‍යාග ප්‍රදානෝත්සවයට සහභාගී වීමට එක් අයකුට රුපියල් 3500 ක් බැගින් වූ මුදලක්ද ගෙවීමට  සිදු වූ අතර මෙම මුදල් අයකිරීම නිසා  තරගාවලියේ ජයග්‍රහණයක් හිමිකරගෙන තිබූ myblog.lk වෙබ් අඩවිය (සිංහල බ්ලොග්කරුවන්ගේ සංසදය විසින් පවත්වාගෙන යනු ලබන ) එහි හිමිකරුවන් විසින් තරගයෙන් ඉල්ලා අස්කරගනු ලැබිණි. ලංකාවේ ප්‍රධාන පෙළේ සමාගම් කිහිපයක හා මාධ්‍ය ආයතන කිහිපයක අනුග්‍රහය ලැබූ මෙම තරගාවලිය , එහි ජයග්‍රහකයන්ගෙන් මුදල් අයකර ත්‍යාග පිරිනැමීම කැත වැඩකි.

Comments

Name (Required)
Email (Required)
Comment (Required)
Namila 2010-08-23 12:33:45
eka thamai...mun .lk domain witarak thiyena eka chaarter... :( mona karannada? ape SBU ekenwath aword dena ekak thibboth hoday kiyala hitenawa
Jayasundara 2010-08-23 05:09:51
ඔව් එක ඇත්ත මෙකට පිලියමක් හොයන්ට ඔනෙ